Gəncədə qətl hadisəsi baş verib. Bu haqda 2 noyabr tarixində Baş prokurorluğa istinadən məlumat veririk.
Hadisə bu gün, 2 noyabr səhər saat 7 radələrində şəhər ərazisində qeydə alınıb. Kəlbəcər rayonunun 39 yaşlı sakini Hüseyn Abbasovun Yeni qəsəbə ərazisində 34 yaşlı bacısı Səbinə Abbasovaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.
Faktla bağlı Kəlbəcər rayon prokurorluğunda cinayət işi başlanıb. Hüseyn Abbasov şübhəli şəxs qismində tutulub.
İbtidai istintaq davam etdirilir.
