Gəncə şəhər stadionunun ərazisində Məşq Mərkəzi və Futbol Akademiyası inşa olunması üçün AFFA tender elan edib. Bu haqda federasiyanın rəsmi saytında məlumat paylaşılıb.
Tender Noyabrın 15-dək davam edəcək. Şərtlərə görə, obyektlər 5 dekabr 2022-ci ildə təhvil verilməlidir. Tikinti işlərini görən şirkət ödənişi mərhələli şəkildə alacaq.
Qeyd edək ki, iş həcmində mövcud binanın sökülüb yerində yenisinin inşa edilməsi nəzərdə tutulub. Xarici qazanxananın, nasosxana yeraltı su rezervuarlarının, çirkli sular anbarının və yarımstansiyanın tikintisi iş həcmində nəzərə alınmayıb.
Daha öncə, Gəncədə tikiləcək futbol akademiyası haqda məlumat vermişdik.
