Gəncədə alman irsi izlərinin öyrənilməsi davam etdirilir. Bu haqda 2 mart tarixində Regional Turizm İdarəsinə istinadən xəbər veririk.
Şəhərimizdə İcra Hakimiyyəti, Kiçik və Orta Biznesin İnkişafı Agentliyinin əməkdaşları zirzəmi kompleksinə səfər ediblər. Səfər Regional Turizm İdarəsinin təşkilatçılığı və Gəncə “Jardin&Royal” şokolad fabrikinin dəstəyi ilə keçirilib. Burada nümayəndələr “Jardin&Royal” şokolad fabriki müəssisəsi və XIX əsrin sonlarında alman sahibkarı Forer qardaşları tərəfindən inşa olunan yeraltı zirzəmi ilə tanış olublar.
Alman irsinə aid zirzəmi kompleksinin mövcud imkanlarını inkişaf etdirərək şərab anbarının turizm nümayiş obyektinə çevrilməsi mümkündür. Həmçinin burada şərabçılıq fəaliyyətlərinin təşkil edilməsi üçün böyük potensial var.
