Gəncədə daha bir birincilik keçirilib. Bu haqda 9 noyabr tarixində Kəpəz televiziyasına istinadən məlumat veririk.
Həndbol üzrə birincilik Zəfər Gününə həsr olunub. Turnirdə 2010-2012-ci il təvəllüdlü oğlanlar yarışıblar. Birincilik Azərbaycan Texnologiya Universitetinin idman zalında baş tutub. Həndbolçular dairəvi sistem üzrə mübarizə aparıblar.
Turnir 1 saylı Uşaq-Gənclər İdman-Şahmat Məktəbi tərəfindən təşkil edilib. Burada Gəncənin 3 komandası və Göygöl kollektivi qüvvəsini sınayıb.
Sonda qaliblər medal və kubokla təltif olunublar.
