Gəncədə güləş üzrə birincilik təşkil olunub. Bu haqda 7 mart tarixində Kəpəz televiziyasına istinadən xəbər veririk.
Yunan-Roma güləşi üzrə yeniyetmələr arasında yarış keçirilib. İdman Liseyində baş tutan mübarizələrdə 250-dən çox güləşçi qüvvəsini sınayıb.
2007-2009 təvəllüdlü yeniyetmələr arasında baş tutan müsabiqədə qalib idmançılar medal və diplomlarla mükafatlandırılıblar. Yarış qarşıdan gələn respublika əhəmiyyətli birinciliklərə, eləcə də beynəlxalq səviyyəli turnirlərə hazırlıq məqsədi daşıyıb.
