Gəncədə Anım Günü ilə əlaqədar yarış keçirilib. Bu haqda 27 sentyabr tarixində Kəpəz televiziyasına istinadən məlumat veririk.
Atletika üzrə yarış Gəncə-Daşkəsən Regional Gənclər və İdman İdarəsinin təşkilatçılığı ilə baş tutub. Birincilik Heydər Əliyev adına Park-Kompleksdə təşkil olunub. Burada həm qız, həm də oğlan yeniyetmə və gənc idmançılar 500 metr məsafəni qət ediblər.
Yarışda şəhərdə fəaliyyət göstərən kolleclərin tələbələri və idman məktəblərinin yetirmələri mübarizə aparıblar. Birincilikdə 60-dan çox atlet finişi birinci keçməyə çalışıb.
Sonda fəxri kürsüdə yer alan idmançılar diplom və medalla təltif ediliblər.
