Gəncədə veloyürüş təşkil edilib. Bu haqda 5 mart tarixində Kəpəz televiziyasına istinadən xəbər veririk.
Bədən Tərbiyəsi və İdman Günü ilə bağlı silsilə tədbirlər çərçivəsində veloyürüş baş tutub. Yürüşdə 10 yeniyetmə pedal ustası iştirak edib.
Tədbir Regional Gənclər və İdman İdarəsinin təşkilatçılığı ilə reallaşıb. Yürüşə Heydər Əliyev adına Park-Kompleksin ərazisindəki velosiped yolunun başlanğıcından start verilib. Təxminən 2 kilometrdən çox məsafə qət edən velosipedçilər Gənclər Evinin qarşısında finişə çatıblar.
Sonda iştirakçılar idarə tərəfindən sertifikatla təltif olunublar.
