Gəncədə Gənclər və İdman Nazirliyinin elan etdiyi "İdman həftəsi" çərçivəsində görüş baş tutub. Bu haqda 5 mart tarixində futbol klubuna istinadən xəbər veririk.
Futbol Akademiyasında Bədən Tərbiyəsi və İdman Günü ilə bağlı əsas komandanın üzvləri ilə görüş keçirilib. “Sarı-göylər”in kapitanı Vurğun Hüseynov və portuqaliyalı qolkiper İqor Rodriqes akademiyanın 15 və 16 yaşlılardan ibarət komandalarının oyunçuları ilə görüşüblər.
Görüşdə peşəkar futbolçular gənc həmkarlarına dəyərli tövsiyələrini veriblər. Bildiriblər ki, idman nizam-intizam tələb edir. Futbolçu olmaq yolunda böyük əziyyətlər çəkdiklərini vurğulayıblar. Həmçinin İqor Rodriqes əlavə edib ki, hər şey istəkdən, qarşıya qoyulan məqsəddən asılıdır.
Daha sonra gənc futbolçuların sualları cavablandırılıb. Sonda peşəkar futbolçuların keçdikləri karyera yolu akademiyanın üzvləri üçün yaxşı nümunə adlandırılıb.
