Gəncədə məzarlıqlardan biri baxımsız vəziyyətdədir. Bu haqda Gencexeber.az-a 13 mart tarixində məlumat daxil olub.
Söhbət şəhərin Yeni Səbiskar qəbiristanlığından gedir. Sakinlər bildirirlər ki, məzarlıq naməlum şəxslər tərəfindən zibillənib. Oranı ziyarət edən şəxslər bu görüntüdən narahat olduqlarını deyirlər.
“Məzarların arasında məişət tullantıları, mərmər parçaları, quru otlar və digər zibillər var. Arabir gəlib mərhumları yad edirik. Gələndə bu görüntü ilə rastlaşırıq və qəbiristanlığın belə halda olmasına üzülürük. Burada təmizlik və abadlıq işlərinin aparılmasını xahiş edirik”, - deyə sakinlər bildiriblər.
[modula id="56481"]
