Gəncədə daha bir ərazidə kommunal qəza baş verib. Bu haqda Gencexeber.az-a 20 yanvar tarixində məlumat daxil olub.
Hadisə şəhərin Yeni Gəncə yaşayış massivində, Bayan küçəsində qeydə alınıb. Sakinlərin sözlərinə görə, burada bir neçə gün öncə sakinləri içməli su ilə təchiz edən yeraltı boru partlayıb. Əraziyə aidiyyəti qurumun əməkdaşları cəlb olunublar və qazıntı işləri aparılıb. Daha sonra yolun həmin hissəsi lentlə hasara alınıb.
Lakin sakinlər bildirirlər ki, 4 gündür evlər su ilə təchiz olunan zaman eyni ərazidən su sızır. Onların sözlərinə görə, boru təmir edilməyib. Bundan başqa, qazılmış ərazi sürücülər üçün maneəyə çevrilib.
