Gəncədə fotosərgi baş tutacaq. Bu haqda Gencexeber.az-a 14 dekabr tarixində məlumat daxil olub.
Regional Mədəniyyət İdarəsinin təşkilatçılığı və Fikrət Əmirov adına Gəncə Dövlət Filarmoniyasının dəstəyi ilə “Yaşayan saniyələr” adlı fotosərgi keçiriləcək. Tədbir 25 dekabr tarixində saat 17:00-dan 21:00-a qədər olacaq.
Sərgidə iştirak etmək üçün fotoaparat və ya mobil telefonla Gəncə və ətraf bölgələrin mədəniyyət və incəsənətini, tarixini, təbiətini, insanlarını, mətbəxini, sosial həyatını və digər sahələrini əks etdirən 1, 2 və ya 3 fotoşəkil çəkmək lazımdır. Daha sonra həmin şəkillər 18 dekabr tarixinə qədər ganjadashkasanculture@gmail.com ünvanına göndərilməlidir.
Sərgiyə qatılmaq istəyənlər (055) 250 93 39 nömrəsi ilə əlaqə saxlayıb ad-soyad,əlaqə nömrəsi və şəxsi instagram hesablarını bildirməlidilər. Hər bir fotonun həcmi 5 mb, ölçüsü 3000 pixel-dək olmalıdır.
