Gəncədə yanğınlara qarşı mübarizəyə həsr olunan regional müşavirə baş tutub. Bu haqda 19 aprel tarixində Report-a istinadən xəbər veririk.
Meşə, yaşıllıq və əkin sahələrində baş verə biləcək yanğınlara qarşı qabaqlayıcı tədbirlərin səmərəliliyinin artırılması, bu sahədə birgə əməkdaşlığın daha da genişləndirilməsi məqsədilə növbəti regional müşavirə keçirilib. Burada Ekologiya və Təbii Sərvətlər, Fövqəladə Hallar, Daxili İşlər, Kənd Təsərrüfatı, Ədliyyə nazirlikləri, İcra Hakimiyyəti və digər aidiyyəti qurumların rəsmiləri, fermerlər və sahibkarlar iştirak ediblər.
Tədbirdə vətəndaşlara yanğın hadisələri ilə bağlı dərhal əlaqədar qurumlara məlumat vermələri, meşəlik ərazilərdə nəzarətsiz yanğın mənbələrinə şərait yaratmamaları barədə çağırış edilib.
