Gəncədə yəhudilər Xocalı faciəsinin qurbanlarını anıblar. Bu haqda 26 fevral tarixində Kəpəz televiziyasına istinadən məlumat veririk.
Yəhudi Dini İcmasının üzvləri Xocalı soyqırımını ildönümündə yad ediblər. Burada ermənilərin vəhşiliyindən danışılıb. Yüzlərlə dinc sakinin qətlə yetirilməsi təkcə azərbaycanlılara qarşı deyil, bəşəriyyətə qarşı soyqırım kimi dəyərləndirilib.
Onlar Azərbaycanın tolerant ölkə olmasına diqqət çəkiblər. Millətimizin digər xalqların nümayəndələri ilə birgə əmin-aman şəraitdə yaşadığını vurğulayıblar.
Bildirilib ki, Vətən müharibəsindən sonra işğaldan azad edilən digər ərazilər kimi, Xocalının da yenidən qurulması sevinclə qarşılanır.
