Gəncədə ilk dəfə keçirilən yeni layihə baş tutub. Bu haqda 9 yanvar tarixində Gəncə Dövlət Filarmoniyasına istinadən xəbər veririk.
“Xalqın mədəni sərvəti” layihəsinə start verilib. Layihə çərçivəsində Azərbaycanın görkəmli bəstəkarı, dünya musiqisində simfonik muğam janrının banisi Fikrət Əmirovun əsərlərindən ibarət “Musiqi paradı” keçirilir.
Layihənin birinci günündə Gəncə Mall-da bir və iki nömrəli Uşaq Musiqi Məktəbi, Uşaq İncəsənət Məktəbinin şagirdləri Fikrət Əmirovun əsərlərini ifa ediblər.
Tədbir 15 yanvar tarixinədək davam edəcək. Layihə Gəncə Dövlət Filarmoniyası və Azərbaycan Respublikası Mədəniyyət Nazirliyi Regional Mədəniyyət İdarəsinin təşkilatçılığı ilə təşkil olunub.
