Gəncədə konsert proqramı baş tutub. Bu haqda Gencexeber.az -a 29 fevral tarixində məlumat daxil olub.
Xalq artisti Mənsum İbrahimov şəhərimizin qonağı olub. Proqram “Muğam gecələri” layihəsi çərçivəsində Gəncə Dövlət Filarmoniyasında təşkil edilib. Konsertə icra başçısı Niyazi Bayramov, YAP Gəncə Şəhər Təşkilatının sədri Bayram Aslanov, Azərbaycan Dövlət Aqrar Universitetinin rektoru Zəfər Qurbanov, Gəncə Tibb Kollecinin direktoru Mehman Rzayev, İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə, təşkilat rəhbərləri, ziyalılar və şəhər ictimaiyyəti qatılıblar.
Burada xalq mahnıları və muğamlar ifa edən xanəndəni tarda Xalq artisti Elçin Həşimov, kamançada Əməkdar artist Elnur Əhmədov, nağarada Əməkdar artist Kamran Kərimov müşayiət ediblər.
Konsert proqramının sonunda xatirə şəkli çəkdirilib.
