Gəncədə yeniyetmələr üçün düşərgə təşkil olunub. Bu haqda 16 fevral tarixində Kəpəz televiziyasına istinadən məlumat veririk.
"Gənc istedadların müəyyənləşdirilməsi və inkişafı" düşərgələrinin 2024-cü ildə birincisi şəhərimizdə baş tutub. Üç gün davam edən tədbirlər Azərbaycan Texnologiya Universitetinin idman zalında keçirilib.
Burada Gəncə və Tovuz regional voleybol klublarından 14 yaşadək qızlar cəlb olunublar. Düşərgədə 50-yə yaxın istedadlı yeniyetmə iştirak edib. Onlar bölgələrdə keçirilmiş seleksiya zamanı seçiliblər.
Layihə çərçivəsində gündə 4-7 saat məşqlər keçirilib və uşaqlara voleybolun incəlikləri öyrədilib. Həmçinin idmançıların daha yaxşı forma toplaması üçün müxtəlif proqramlar da həyata keçirilib.
Təlimlərdə voleybolçularla yanaşı, onların məşqçiləri də iştirak ediblər.
