Gəncə Qarnizonu İdeoloji və Mədəniyyət Mərkəzi tərəfindən daha bir tədbir keçirilib. Bu haqda 12 aprel tarixində Report-a istinadən xəbər veririk.
Azərbaycan Ordusunda hərbi qulluqçuların mədəni asudə vaxtının səmərəli təşkili, hərtərəfli mənalı istirahəti və şəxsi heyətin ruh yüksəkliyini daha da artırmaq məqsədilə mütəmadi olaraq tədbirlər baş tutur. Daha bir tədbir Gəncə Qarnizonu İdeoloji və Mədəniyyət Mərkəzinin səyyar-təşviqat qrupu tərəfindən həyata keçirilib. Onlar hərbi hissələrdə olub, mədəni-kütləvi tədbir təşkil ediblər.
Mərkəzin yaradıcı heyətinin ifasında təqdim edilən konsert proqramı yüksək ovqatla qarşılanıb. Daha sonra “Əsgərə məktub” layihəsi çərçivəsində vətəndaşlar tərəfindən yazılmış məktublar Vətəni qoruyanlara çatdırılıb. Hərbi qulluqçular onlara ünvanlanmış məktubları böyük maraqla oxuyublar.
