Gəncədə tədbir təşkil olunub. Bu haqda 13 yanvar tarixində Heydər Əliyev Mərkəzinə istinadən xəbər veririk.
Vətən müharibəsi şəhidi Elşad İsa oğlu Fərəcullayevin doğum günü ilə əlaqədar “Cəbhədən əbədiyyətə qovuşan ömür” mövzusunda tədbir keçirilib. Tədbir 16 nömrəli kitabxanada baş tutub. Burada şəhidin keçdiyi şərəfli ömür yolundan bəhs edilib. Daha sonra şəhidin təhsil aldığı məktəbin şagirdləri Vətənə, şəhidlərə həsr olunmuş şeir kompozisiyası ilə çıxış ediblər.
Tədbirdə şəhidin ailə üzvləri, bir qrup şəhidlərin valideynləri, Azərbaycan Vətən Müharibəsi Veteranlar İctimai Birliyi Gəncə şəhər şöbəsinin sədri Bəyanət Qasımov, Gəncə İnsan Hüquqlarının Müdafiəsi və Ekologiyanın Qorunması Mərkəzinin sədri Sitarə Hacıyeva, Gəncə Ticarət və Xidmət üzrə Gəncə Dövlət Peşə Təhsil Mərkəzinin müəllim və tələbələri, şəhidin təhsil aldığı 17 nömrəli tam orta məktəbin müəllim və şagirdləri iştirak ediblər.
[modula id="53034"]
