Gəncədə daha iki ərazinin təmirə ehtiyacı var. Bu haqda Gencexeber.az-a 19 dekabr tarixində məlumat daxil olub.
Söhbət 5-ci mikrorayon ərazisindəki Üzeyir Hacıbəyli (beşmərtəbəli evlərin həyəti) və Ruzigar Qasımov küçələrindən gedir. Adıçəkilən ərazilərdə yollar yararsız hala düşüb.
Üzeyir Hacıbəyli küçəsindəki beşmərtəbələri evlərin həyətlərində yeni asfalt örtüyünə ehtiyac var. Sakinlərin sözlərinə görə, yağış yağandan sonra məhəllədə palçıq və gölməçələr yaranır.
Ruzigar Qasımov küçəsində avtomobil yolunun ortasında çöküntü əmələ gəlib. Nəticədə nəqliyyat vasitələrinin hərəkətində çətinliklər yaranır.
[modula id="51832"]
