Gəncədə daha bir qəza baş verib. Bu haqda 27 mart tarixində Apa-ya istinadən məlumat veririk.
Hadisə şəhərin Üzeyir Hacıbəyli küçəsində qeydə alınıb. "QAZ 3110" markalı minik maşını dönmə əməliyyatı etmək istəyib. Həmin vaxt ona arxasınca hərəkət edən "Mercedes" çarpılıb. Nəticədə birinci idarəetmədən çıxıb və yolun əks-tərəfi ilə hərəkətdə olan "VAZ 2107" ilə toqquşub.
Qəza zamanı xəsarət alan olmayıb. Hər üç avtomobilə ciddi ziyanın dəydiyi bildirilir.
Sürücülərin sözlərinə görə, qəzaya səbəb olan "Mercedes"in sürücüsü hadisə yerindən qaçıb.
Faktla bağlı araşdırma aparılır.
