Gəncədə mülki müdafiə ilə bağlı tədbir keçirilib. Bu haqda 2 mart tarixində Kəpəz televiziyasına istinadən məlumat veririk.
Azərbaycan Texnologiya Universitetində şəhər icra hakimiyyətinin təşkilatçılığı ilə “Risklərin qiymətləndirilməsində informasiya texnologiyalarının rolu” mövzusunda görüş baş tutub. Burada ali təhsil ocağının rəhbərliyi, Fövqəladə Hallar Nazirliyi Gəncə Regional Mərkəzinin nümayəndələri çıxış ediblər. Onlar insanların təhlükəsizliyinin təmin edilməsində mülki müdafiənin rolu, bu istiqamətdə aparılan işlər, ölkəmizdə mülki müdafiənin tarixi haqqında ətraflı məlumat veriblər, mülki müdafiə sahəsində hər bir vətəndaşın informasiyalı olmasının vacib olduğunu bildiriblər.
Sonda mövzu ilə bağlı bir neçə sual səsləndirilib. Fövqəladə Hallar Nazirliyinin nümayəndələri həmin sualları cavablandırıblar.
