Gəncə şəhərində 14-29 yaşlı gənclərin sayı son 11 ildə 16,4 min nəfər azalıb.
Gencexeber.az-ın Dövlət Statistika Komitəsindən əldə etdiyi məlumatına əsasən, 2015-ci ilin əvvəlinə Gəncədə 14-29 yaşlı gənclərin sayı 92,4 min nəfər olub.
2020-ci ildə bu göstərici 76 min nəfərə, 2022-ci ildə 74,5 min nəfərə enib. Sonrakı illərdə isə gənclərin sayında cüzi artım qeydə alınıb.
Belə ki, 2023-cü ildə şəhərdə 74,6 min, 2024-cü ildə 74,9 min, 2025-ci ildə 75,1 min nəfər gənc yaşayıb. 2026-cı ilin əvvəlinə isə bu rəqəm 76 min nəfərə çatıb.
Beləliklə, 2015-ci illə müqayisədə Gəncədə 14-29 yaşlı gənclərin sayı təxminən 17,7 faiz azalıb. Bununla belə, son dörd ildə cüzi də olsa, göstəricidə artım müşahidə olunur.
