Gəncədə əkin sahələrinin ümumi sahəsi 2025-ci ildə 42,2 hektar olub.
Gencexeber.az-ın Dövlət Statistika Komitəsindən əldə etdiyi məlumatına əsasən, 2024-cü ildə bu rəqəm 63,2 hektar, 2023-cü ildə isə 64,5 hektar təşkil edib. Yəni, son iki ildə şəhərdə əkin sahələri 22,3 hektar azalıb.
2025-ci ilin göstəricisi 2015-ci illə müqayisədə də xeyli aşağıdır. Həmin il Gəncədə kənd təsərrüfatı bitkilərinin əkin sahəsi 108 hektar olub. Beləliklə, 10 il ərzində bu göstərici 65,8 hektar və ya təxminən 61 faiz azalıb.
Qeyd edək ki, təqdim olunan statistik cədvəldə əkin sahələri 2015, 2020, 2023, 2024 və 2025-ci illər üzrə müqayisəli şəkildə göstərilib.
