Gəncədə səhiyyə işçiləri üçün tədbir keçirilib. Bu haqda 22 yanvar tarixində şəhər Birləşmiş Xəstəxanasına istinadən məlumat veririk.
“Uşaqlarda Təkmil Həyat Dəstəyi” (ÇİYAD) kursu TƏBİB-nin dəstəyi, “Çocuk Acil Tıp ve Yoğun Bakım“ dərnəyinin və Gəncə Şəhər Birləşmiş Xəstəxanasının təşkilatçılığı ilə baş tutub. Burada 35 nəfər iştirak edib.
Kurs nəzəri və praktiki qaydada keçirilib. Tədbirdə doktor Azər Əhmədov, Anar Qurbanov, Elşad Şıxəliyev, Kamil Şərifov, Emil Nuriyev tərəfindən təməl həyat dəstəyi, tənəffüs çatışmazlığı və tənəffüs dəstəyinin tətbiq üsulları, kritik xəstənin qiymətləndirilməsi, şok və müalicəsi, uşaqlarda irəli həyat dəstəyində dərmanlar və s. mövzulardan kurs iştirakçılarına məlumatlar verilib. Həmçinin onların sualları cavablandırılıb.
Praktiki hissədə təməl həyat dəstəyi, şok ssenariləri, sümükdaxili müdaxilənin, tənəffüs dəstəyinin və s. tətbiq üsulları izah edilib.
Sonda kurs iştirakçıları ilə mövzuların müzakirəsi aparılıb və onlara sertifikatlar təqdim olunub.
