Gəncə məktəbliləri ilə görüş təşkil olunub. Bu haqda 21 fevral tarixində Regional Təhsil İdarəsinə istinadən xəbər veririk.
"Uşaq Səfirlər Məclisi"nə seçilən şagirdlər ilə görüş keçirilib. Burada İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xalidə Mete iştirak edib. O, seçilən uşaqlara məclisin fəaliyyəti, görüləcək işlər barədə məlumat verib.
Görüşdə ötən il məclisə üzv seçilən 16 nömrəli tam orta məktəbin şagirdi Xavər Qasımova və 27 nömrəli məktəb-liseyin şagirdi Hüseyn İsmayılov şagirdlərlə öz təcrübələrini bölüşüblər.
"Uşaq Səfirlər Məclisi"nin məqsədi uşaqların müxtəlif tədbirlərdə müstəqil olaraq fəallığının artırılması, təşkil olunan ictimai işlərdə dəstək göstərilməsindən ibarətdir.
