Gəncədə növbəti layihə keçiriləcək. Bu haqda 22 fevral tarixində Gəncə Dövlət Filarmoniyasına istinadən məlumat veririk.
"Urbanda görüşərik" adlı proyekt Gəncə Dövlət Filarmoniyasının Urban Mərkəzində təşkil olunacaq. Layihənin əsas məqsədi istedadlı və yaradıcı insanların platformasını yaratmaq, onların tanıdılmasını, üzə çıxarılmasını, əsərlərinin təbliğini təmin etməkdir.
Burada yazıçı, şair, rəssam və heykəltaraşlar, tətbiqi sənət ustaları, digər yaradıcı insanların iştirakı nəzərdə tutulur. "Urbanda görüşərik" layihəsi çərçivəsində iştirakçıların sərgilərinin, həmçinin sərgi-yarmarkalarının təşkili planlaşdırılır.
