Gəncədən olan tələbələr Türkiyədə tədbirdə iştirak ediblər. Bu haqda 19 dekabr tarixində ADAU-ya istinadən məlumat veririk.
Mədəniyyət görüşləri çərçivəsində Türkiyənin Ege Universitetinin Gənclər Ofisi tərəfindən “Azərbaycan günü” keçirilib. Bura ADAU-EGE ikili diplom proqramı çərçivəsində təhsil alan tələbələrimiz də qatılıblar.
Tədbirdə Azərbaycan və Türkiyənin tanıtımından sonra rəqs və musiqi nömrələri ifa edilib, hər iki ölkə mətbəxindən nümunələr təqdim olunub.
Qeyd edək ki, yığıncağın məqsədi xalqımızın adət-ənənələrinin, mətbəxinin və rəqslərinin tanıdılmasıdır.
