Gəncədə türk professorlar seminar keçəcəklər. Bu haqda 5 mart tarixində ADAU-ya istinadən xəbər veririk.
Azərbaycan Dövlət Aqrar Universiteti və Türkiyənin Ege Universiteti arasında olan ikili diplom proqramı çərçivəsində seminarlar davam edir. Növbəti təlim Ege Universitetindən dəvət olunmuş professor-müəllim heyəti tərəfindən aparılacaq.
Seminar dosent doktor Mustafa Özgür Tatar tərəfindən ADAU-nun tədris binasındakı 451-ci otaqda baş tutacaq. Tədbir 6 mart tarixində saat 15:00-da “Bitkisel Üretimde Karbon Ayak İzi” mövsuzunda olacaq. Yarım saat sonra isə doktor öğretim üyesi Deniz İştipliler tərəfindən “Tarımsal Araştırmalarda Makine Öğrenme Uygulamaları” mövzusunda seminar keçiriləcək.
