Gəncə sakinləri qəzaya uğrayıblar. Bu haqda 4 mart tarixində Report-a istinadən məlumat veririk.
Hadisə Göygölün Üçtəpə kəndindən Gəncəyə gedən yolda baş verib. Toy mərasimindən qayıdan avtomobil karvanında olan “BMW” "VAZ-2106" markalı avtomobillə toqquşub. Daha sonra birinci idarəetmədən çıxaraq, yol kənarındakı ağaca çarpılıb.
Nəticədə “BMW”nin 26 yaşlı sürücüsü Cavid Mürsəlov həkimlərin səylərinə baxmayaraq, dünyasını dəyişib. Həmçinin digər 26 yaşlı şəxs - Ruslan Rüstəmov xəsarətlər alıb. O, Gəncə şəhərində yerləşən xəstəxanalardan birinə çatdırılıb, müalicəsi davam edir.
Şahidlərin sözlərinə görə, hadisəyə səbəb “BMW”nin yüksək sürətlə hərəkətdə olması olub. Həmçinin bildirilir ki, zərbənin gücündən avtomobildə olanlardan biri maşından çıxaraq bir neçə metr kənara düşüb.
Faktla bağlı araşdırma aparılır.
