Zərifə xanım Əliyevanın anım gününə həsr edilmiş tədbir keçirilib. Bu haqda 15 aprel tarixində Gəncə Şəhər Birləşmiş Xəstəxanasına istinadən xəbər veririk.
Tədbir Şəhər Birləşmiş Xəstəxanasının nəzdində olan Akademik Z. Məmmədov adına xəstəxananın Oftalmologiya şöbəsində baş tutub. Burada onun öz həmvətənlərinin qayğısına qalan humanist insan olduğu diqqətə çatdırılıb.
Tədbirdə, həmçinin Zərifə xanım Əliyevanın bütün insani keyfiyyətləri ilə əsl Azərbaycan qadınının ideal obrazını yaratdığı, əziz xatirəsinin tanınmış həkim, novator alim, eyni zamanda qayğıkeş ana, sədaqətli ömür-gün yoldaşı kimi qəlblərdə yaşadığı qeyd edilib.
