Gəncə Şəhər Birləşmiş Xəstəxanasında təlim keçirilib. Bu haqda Gəncə Şəhər Birləşmiş Xəstəxanasına istinadən xəbər veririk.
Təlim azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi mövzusunda baş tutub. Burada azyaşlı uşaqlar, hamilə və zahı qadınların patronaj xidmətinin təşkili və nəzarətin təmin edilməsi üzrə kurator və təlimçilər çıxış ediblər. Daha sonra iştirakçılara hesabat, antenatal xidmət və patronaj tibb bacılarının yeni rolu barədə məlumat verilib.
Tədbirdə Kəlbəcər Rayon Mərkəzi Xəstəxanası və Gəncə Şəhər Birləşmiş Xəstəxanasının nəzdində olan Ü.Hacıbəyli, Adilxanlı, Gülüstan və Yeni Gəncə ailə sağlamlıq mərkəzlərinin mama, baş tibb bacısı və tibb bacıları iştirak ediblər. Burada modul 1, 2, 3 və 7 əhatə olunub.
