Gəncədə “Dayanıqlı Enerji və İqlim üzrə Fəaliyyət Planının (SECAP)” ilkin layihəsinin onlayn təqdimatı təşkil olunub. Burda 15 aprel tarixində İcra Hakimiyyətinə istinadən xəbər veririk.
Tədbirdə şəhərdə fəaliyyət göstərən bir sıra aidiyyəti qurumlara “Baza Emissiya İnventarı”nın hazırlanmasında istifadə və təklif edilən əsas yanaşmalar, təsirin azaldılması və uyğunlaşma məsələləri üzrə tədbirlər barədə məlumat verilib.
Qeyd edək ki, Nizami Bələdiyyəsi Avropa İttifaqının Şərq Tərəfdaşlığı çərçivəsində dəstəklənən “Merlər Razılaşması” təşəbbüsünə qoşulub. Burada məqsəd şəhər təsərrüfatında enerji effektivliyinin artırılması, iqlim dəyişikliklərinə uyğunlaşma tədbirlərinin hazırlanması və həyata keçirilməsidir.
