Gəncədə məktəblilər üçün tədbir təşkil olunub. Bu haqda 16 aprel tarixində Mərkəzləşdirilmiş Kitabxana sisteminə istinadən məlumat veririk.
Yığıncaq 1 saylı Kitabxana filialı və 6 nömrəli məktəbin birgə təşkilatçılığı ilə baş tutub. “Təmiz ətraf, mühit və biz” adlı tədbirdə təhsil ocağının şagirdləri iştirak ediblər. Burada bildirilib ki, Yaşıl dünya naminə həmrəylik ili ilə əlaqədar hər bir azərbaycanlının qarşısında duran vəzifə ətraf mühitin mühafizəsi sahəsində ictimai nəzarət funksiyalarının gücləndirilməsindən, sağlamlaşdırılmasından, yaşıllıqların bərpası və artırılmasından, su ehtiyatlarından və dayanıqlı enerji mənbələrindən səmərəli istifadə edilməsindən ibarətdir.
Qeyd edək ki, tədbirin məqsədi sağlam həyat konsepsiyasının yaradılmasıdır.
