Gəncəli tələbələr Basketbol üzrə turnirin seçmə mərhələsində iştirak ediblər. Bu haqda 27 noyabr tarixində ATU-ya istinadən xəbər veririk.
2023-2024-cü illərin yarış mövsümü üzrə "TamGənc" Tələbə Basketbol Liqasının seçmə mərhələsi keçirilib. Oyun Bakıda - Azərbaycan Texniki Universitetinin idman zalında baş tutub.
Seçmə mərhələsində Azərbaycan Texnologiya Universitetinin tələbələri B qrupunda 3 komanda ilə yarışıblar. Onlar Azərbaycan Pedaqoji Universitetinə 53:33, ikinci oyunda Sumqayıt Dövlət Universitetinə 64:39, üçüncü, həlledici oyunda isə Bakı Mühəndislik Universitetinə 64:33 hesabı ilə qalib gəliblər.
Seçmə mərhələsi Azərbaycan Basketbol Federasiyasının təşkilatçılığı ilə baş tutub.
