Gəncədə Aqrar Gənclər Təşkilatının təşkilatçılığı ilə tələbələr üçün təlim keçirilib. Bu haqda 15 mart tarixində ADAU-ya istinadən xəbər veririk.
Azərbaycan Dövlət Aqrar Universitetinin tələbələri rozmarin bitkisinin yaşıl qələmlərinin çoxaldılması işinə start veriblər. Onlar təlimdə butil asetatdan istifadə edərək biostimulyator məhlulunu hazırlayıblar. Daha sonra kəsilən minlərlə rozmarin bitkisinin yaşıl qələmləri məhlulda bir neçə saniyə saxlanıb, viyollara əkilərək ADAU-nun istixanalarına yerləşdirilib.
Qeyd edək ki, rozmarin və ya bibəriyyə Aralıq dənizi iqlimində böyüyən və xoş qoxusu ilə tanınan bitkidir. Tərkibində yüksək miqdarda B, C, D, E və K vitaminləri olan rozmarin qida dəyəri yüksək olan bir bitkidir. Rozmarin, həmçinin dəmir, kalsium və fosforla da zəngindir.
