Gəncədə təhsil alan tələbələr istehsalat təcrübəsində iştirak edirlər. Bu haqda 9 aprel tarixində Azərtac-a istinadən xəbər veririk.
Gəncə Dövlət Universitetinin buraxılış kurs tələbələrinin pedaqoji internatura və istehsalat təcrübəsi davam edir.
Filologiya fakültəsinin “Filologiya” ixtisasının IV kurs tələbələri Mir Cəlal Paşayev adına ev-muzeyi, Azərbaycan Xalq Cümhuriyyəti Muzeyi, İsrafil Məmmədovun ev-muzeyi və digər tarixi məkanlarda istehsalat təcrübəsində iştirak edirlər. Onlar muzey eksponatları və sərgilənən kitablar əsasında ixtisaslarına uyğun məlumatlar əldə edirlər.
Təcrübədə, həmçinin Azərbaycan dili kafedrası və Azərbaycan və dünya ədəbiyyatı kafedrasının rəhbər müəllimləri də iştirak ediblər. Müəllimlər tərəfindən tələbələri maraqlandıran suallar ətraflı cavablandırılır.
