Gəncədə tələbələr üçün ekskursiya təşkil edilib. Bu haqda 8 dekabr tarixində Azərbaycan Dövlət Aqrar Universitetinə istinadən xəbər veririk.
Azərbaycan Dövlət Aqrar Universitetinin Aqrar Gənclər Təşkilatının bir qrup könüllüsü Ağstafa rayonunda olub. Onlar "Kur Fruit Company" MMC-nin Ceyrançöl ərazisində illərlə istifadəsiz qalmış, boz çöllərdə salınan intensiv tipli meyvə bağlarına səfər ediblər. Burada tələbələrə ağacların budanması, məhsuldarlıqda fərqliliyin başvermə səbəbləri və buna təsir edən amillərin kompleks təsiri izah olunub.
Səfərdə ADAU-nun Bağçılıq kafedrasının müdiri Allahverdi Seyidovun və Ege Universitetinin əməkdaşı Deniz Eroğulun rəhbərliyi ilə tələbələrə məhsuldarlıq səviyyəsi və ağacların bölgəyə adaptasiyası haqqında məlumat verilib.
