Gəncə Dövlət Universitetində ustad dərsi təşkil olunub. Bu haqda 30 mart tarixində GDU-ya istinadən xəbər veririk.
Söhbət AMEA-nın həqiqi üzvü, neft kimyası sahəsində tanınmış alim, Azərbaycan Respublikası Elm və Təhsil Nazirliyi Neft-Kimya Prosesləri İnstitutunun baş direktoru Vaqif Abbasovun keçirdiyi toplantıdan gedir. Burada universitetin professor-müəllim heyəti, tələbələr və AMEA-nın Gəncə Bölməsinin akademik heyəti iştirak ediblər.
Ustad dərsində Vaqif Abbasov qlobal iqlim dəyişmələrinin həlli yollarından ətraflı bəhs edib. Diqqətə çatdırıb ki, ekoloji tarazlığın qorunub saxlanması, təbii ehtiyatlardan rasional istifadə, su, torpaq və atmosfer havasının çirklənmədən mühafizə edilməsi ümumbəşəri problemə çevrilib.
