Gəncədə məktəblilər üçün tədbirlər keçirilib. Bu haqda 26 fevral tarixində Regional Təhsil İdarəsinə istinadən məlumat veririk.
Tədbirlər Regional Təhsil İdarəsinin tabeliyində fəaliyyət göstərən ümumtəhsil müəssisələrində təşkil olunub. Burada Xocalı soyqırımı qurbanları anılıb.
Görüşlər zamanı şagirdlərin ifasında vətənpərvərlik mövzularında şeirlər səslənib, faciə qurbanlarının xatirəsi ehtiramla yad olunub. Həmçinin ümumtəhsil məktəblərinin bir qrup müəllim və şagirdi Xocalı sakinləri üçün salınan qəsəbədə ucaldılan abidəni ziyarət ediblər.
