Gəncədə yerləşən kolleclərdə monitorinqlərə başlanılıb. Bu haqda 29 mart tarixində Azərtac-a istinadən xəbər veririk.
Orta ixtisas təhsil müəssisələri ilə iş sektorunun müdiri Səbinə Ənvərli və Hüquq və insan resursları sektorunun müdiri Siyavuş Əhmədzadə Gəncə Dövlət Universitetinin nəzdindəki Regional Kollecdə monitorinq keçiriblər. Tədbir Elm və Ali Təhsil üzrə Dövlət Agentliyi tərəfindən aparılır.
Monitorinq zamanı Agentliyin nümayəndələri tələbələrlə görüşüb və kollecin maddi-texniki bazası ilə tanış olublar. Həmçinin müəssisədə tədrisin müvafiq normativ-hüquqi aktların tələblərinə uyğun olaraq təşkili yoxlanılıb. Burada məqsəd tədrisin təşkilini izləmək, problem və ehtiyacları müəyyən etmək və onlara uyğun tədbirlər görməkdir.
