Gəncədə məktəblər ziyarət olunub. Bu haqda 14 fevral tarixində İcra Hakimiyyətinə istinadən məlumat veririk.
İcra başçısı Niyazi Bayramov 8 nömrəli tam orta məktəbə baş çəkib. O, burada fəal şagirdlərlə görüşüb. Beynəlxalq Kitab Bağışlama Günü ilə əlaqədar təşkil olunan tədbirdə Gəncə-Daşkəsən Regional Təhsil İdarəsinin müdiri Anar Qədiməliyev və Gəncə Şəhər İcra Hakimiyyəti başçısı Aparatının məsul əməkdaşları iştirak ediblər.
Qonaqlar məktəbdə təşkil olunan sərgiyə baxış keçiriblər. Daha sonra məktəblilərə kitab oxumağın faydasından danışılıb. Rəsmilər fəal şagirdlərə kitablar hədiyyə ediblər.
Bundan başqa, Türkiyənin Gəncədəki Baş konsulu Recep Öztop, YAP Gəncə Şəhər Təşkilatının sədri Bayram Aslanov, Gəncə-Daşkəsən Regional Gənclər və İdman İdarəsinin rəisi İntiqam Hüseynov, Gəncə-Daşkəsən Regional Mədəniyyət İdarəsinin rəis əvəzi Pərvin Kazımov, Gəncə Tibb Kollecinin direktoru Əməkdar həkim Mehman Rzayev, Gəncə Regional Kollecinin direktoru İlqar Kubışev, Gəncə Dövlət Filarmoniyasının direktoru Ramil Qasımov, Gənclər Evinin direktoru Amil Qurbanov da bu təşəbbüsə qoşulublar. Onlar şəhərin müxtəlif ümumtəhsil məktəblərində olaraq, şagirdlərlə görüşüb, onlara kitablar hədiyyə ediblər.
