Gəncədə Azərbaycan Texnologiya Universitetində seminar keçirilib. Bu haqda 3 aprel tarixində ATU-ya istinadən xəbər veririk.
ATU-da İqtisadiyyat və İdarəetmə fakültəsində "Davamlı ekoloji inkişaf: innovativ texnologiyalar" mövzusunda elmi-praktik seminar olub. Burada gənc tədqiqatçılara suallar verilib, mövzular ətrafında geniş fikir mübadiləsi aparılıb.
Seminarda İdarəetmə, İqtisadiyyat, eləcə də Turizm sənayesinin təşkili kafedralarının bakalavr və magistrlarının təqdimatında “Qarabağda ağıllı kənd sistemi”, “Yaşıl marketinqdə innovativ alətlər”, “Filtrilizasiya dronları, Qlobal iqlim dəyişikliyinin dünya iqtisadiyyatına təsiri”, “İşğaldan azad olunmuş ərazilərdə yaşıl iqtisadiyyatın inkişaf potensialı”, “Regionlarda ekoturizm sektorunun inkişafı və məhdudiyyətlərin aradan qaldırılması” və “Ağıllı şəhərlər: davamlılıq üçün texnologiyalar və tətbiqlər” başlıqlı məruzələr dinlənilib.
