Gəncədə mütəxəssislər tərəfindən universitetlərin birində seminarlar keçiriləcək. Bu haqda 27 mart tarixində ADAU-ya istinadən xəbər veririk.
Azərbaycan Dövlət Aqrar Universiteti və Türkiyənin Ege Universiteti arasında olan beynəlxalq ikili diplom proqramı çərçivəsində seminarlar baş tutacaq. Tədbir ADAU-ya dəvət olunan Ege Universitetinin professor-müəllim heyəti tərəfindən aparılacaq.
Seminarlar 28 mart tarixində saat 15:00-da dosent doktor Oktay Yerlikaya tərəfindən “Çiğ sütün depolanması ve etkin soğutulmasının önemi” və yarım saat sonra professor doktor Arif Behiç Tekin tərəfindən “Yabancı ot teşhis, tespit ve yönetiminde akıllı tarım teknolojileri” mövzularında olacaq.
Qeyd edək ki, təlimlər universitetin yeni tədris binasındakı 451-ci otaqda baş tutacaq.
