Gəncədə Azərbaycan Texnologiya Universitetində tədbir təşkil olunub. Bu haqda 19 mart tarixində ATU-ya istinadən xəbər veririk.
Novruz şənliyində müxtəlif ansamblların və Azərbaycan Texnologiya Universitetinin tələbələrinin ifasında müsiqilər səsləndirilib, rəqslər ifa edilib. Həmçinin Novruz adət-ənənələrini əks etdirən süfrələr qurulub, tələbələrin əl işlərindən ibarət rəsm sərgisi nümayiş olunub, səməni müsabiqəsi və tələbələr arasında kəndirdartma yarışı keçirilib.
Daha sonra bayram tonqalı alovlandırılıb. ATU əməkdaşları və tələbələri tonqal ətrafında yallı gedib, rəqs ediblər.
Qeyd edək ki, tədbiri rektor vəzifəsini müvəqqəti icra edən dosent Yaşar Ömərov, Niyazi Bayramov, YAP Gəncə Şəhər Təşkilatının sədri Bayram Aslanov və digər rəsmilər, qazilər izləyiblər.
