Gəncədə məktəblər istiliklə təmin olunub. Bu haqda 30 noyabr tarixində Regional Təhsil İdarəsinə istinadən xəbər veririk.
Məktəbəqədər və ümumi təhsil müəssisələrinin istiliklə təmin olunması prosesi yekunlaşıb. Bildirilir ki, Gəncə-Daşkəsən Regional Təhsil İdarəsinin tabeliyində fəaliyyət göstərən 215 müəssisə qazla, 131-i odunla, 25-i dizellə, 9-u isə elektriklə təmin edilib.
Qeyd edək ki, istilik təchizatı mövsümü 15 aprel tarixinədək davam edir.
