Gəncədə təlim təşkil olunub. Bu haqda 25 yanvar tarixində Gənclərin Sosial və Fərdi İnkişaf, Karyera Platformasına istinadən xəbər veririk.
"Təhlükəsiz Böyük Qayıdış" layihəsinin üçüncü təlimi keçirilib. Layihə şəhərimizdə məskunlaşan Kəlbəcər, Xocalı və Laçın rayonundan məcburi köçkün olmuş ailələrdə yaşayan gəncləri əhatə edir.
4 istiqamət üzrə 8 təlimin məqsədi gəncləri mina və partlamamış hərbi silah-sursatlarla rəftar, ilk tibbi yardım və mülki müdafiə istiqamətində təlimatlandırmaqdır. Həmçinin onların şəbəkələşməsini təmin etməkdir. Tədbirin üçüncü günündə iştirakçılara ilk tibbi yardım mövzusunda təlim keçirilib.
Qeyd edək ki, sözügedən layihə Azərbaycan Respublikası Elm və Təhsil Nazirliyinin elan etdiyi Təhsildə İnkişaf və İnnovasiyalar üzrə VII qrant müsabiqəsinin qalibi olub.
