Gəncədə bir sıra yollarda çöküntülər əmələ gəlib. Bu haqda Gencexeber.az-a 16 yanvar tarixində məlumat daxil olub.
Söhbət Zərifə Əliyeva və Şah İsmayıl Xətai prospektləri, Səfaləddin Əsgərov, Ağa Nemətulla, Məhəmməd Şəhriyar və Rüstəm xan Xoyski küçələrindən gedir. Adıçəkilən ərazilərdə sürücülər və piyadalar üçün çətinliklər yaranıb.
Zərifə Əliyeva prospektində piyada səkisində sakinlər üçün hərəkət çətinləşib. Burada çöküntü əmələ gəlib. Həmçinin səkidə su hidrantının yerləşməsi cari vəziyyəti çətinləşdirib. Sakinlərin sözlərinə görə, burada piyada yolu daralıb. Bu səbəbdən əlil və uşaq arabalarının hərəkəti məhdudlaşıb. Adıçəkilən digər ərazilərdə əmələ gələn çöküntülər isə sürücülərin hərəkətinə maneə törədir.
[modula id="53257"]
