Gəncədə bir sıra evlərin sakinləri çətinliklə üzləşiblər. Bu haqda 27 mart tarixində Oxu.az-a istinadən məlumat veririk.
Söhbət şəhərin Yeni Gəncə qəsəbəsindəki şəhid Elməddin Namazov küçəsindən gedir. Burada bir il öncə sel zamanı su altında qalan evlər acınacaqlı vəziyyətdədir.
Ötən ilin may-iyun aylarında intensiv yağışlar nəticəsində Heydər Əliyev adına park kompleksindəki süni göl daşmışdı. Nəticədə yaxınlıqda yerləşən evlərə su dolmuşdu. Bu səbəbdən evlərdəki bütün əşyalar, döşəmə və zirzəmilər yararsız hala düşüb.
Sakinlər bildirirlər ki, məsələ ilə bağlı İcra Hakimiyyətinə müraciət olunub. Lakin bir ilə yaxın vaxt keçsə də, heç bir tədbir görülmür.
“Kanal salınmalı idi sel yatağı üçün, onu da etmədilər. Şəhər icra nümayəndələri problemə çox laqeyd yanaşırlar”, - deyə vətəndaş qeyd edib.
[modula id="56931"]
