Gəncədə konsert baş tutub. Bu haqda 22 aprel tarixində İcra Hakimiyyətinə istinadən məlumat veririk.
Tədbir görkəmli bəstəkar Süleyman Ələsgərovun 100 illiyinə həsr olunub. Gəncə Dövlət Filarmoniyasında keçirilən konsertə icra başçısı Niyazi Bayramov, Türkiyənin Gəncədəki Baş konsulu Recep Öztop, bəstəkarın nəvələri, Əməkdar artistlər Tahir İmanov və Cabir İmanov, Səhiyyə Nazirliyi Gəncə Tibb Kollecinin direktoru, Əməkdar həkim Mehman Rzayev, YAP Gəncə şəhər təşkilatının nümayəndəsi, İcra Hakimiyyəti başçısı Aparatının məsul əməkdaşları, idarə, təşkilat, müəssisə rəhbərləri və şəhər sakinləri qatılıblar.
Burada bəstəkarın əsərləri səsləndirilib. Konsert proqramı tamaşaçılar tərəfindən böyük rəğbətlə qarşılanıb.
