Gəncədə vətəndaş qəbulu keçirilib. Bu haqda 30 mart tarixində Azərsu-ya istinadən məlumat veririk.
Azərbaycan Dövlət Su Ehtiyatları Agentliyinin sədri Zaur Mikayılov şəhərimizə səfər edib. O, "Gəncə Sukanal" Törəmə Səhmdar Cəmiyyətinin inzibati binasında Gəncə, Samux, Kəlbəcər və digər rayonlardan olan vətəndaşlarla görüşüb. Burada sakinlərin müraciətləri dinlənib, ərizə və şikayətlərinə baxılıb.
Səsləndirilən məsələlərin hərtərəfli öyrənilməsi və qısa müddətdə həll edilməsi üçün müvafiq tapşırıqlar verilib. Müraciətlər arasında suvarma suyuna olan tələbatın ödənilməsi, kanalların beton üzlüyə alınması, suvarma suyunun limitinin artırılması, yeni subartezian quyularının qazılması, içməli suya olan tələbatın ödənilməsi, kanalizasiya sistemlərinin yenidən qurulması və s. mövzular üstünlük təşkil edib.
